Får ikkje sova

Eg har alltid hatt godt sovehjerta. Med unntak av enkelte stressperiodar. Men nå trur eg det der med alder og behov for mindre søvn har slått inn hos meg og. Jysla trøttande.  - altså ikkje sånn trøttande at eg sovna av det. Nå er hu passert midnatt, og eg har ikkje eingong gjespa.

Det goda med dette er jo at eg ikkje treng å væra førstemann til å ta kvelden når det er festlig lag. Men det er jo fremdeles fleire kvardagar enn festdagar.  Eg trur det må væra resultatet av det gode liv som slår ut for fullt når det nærme seg sovetid. For det er jo sånn at eg har fine dagar, og blir ikkje utsleten av den daglige overflatebehandlingen i heimen, samt å laga middag til maen kjem heim. Men det er jo det gode liv, og godt liv har og bivirkningar. Det gode liv legge seg rundt magen, og tar nattesøvnen.

I tidligare tider med tilløp til søvnvansker, så innbilte eg meg bare at eg vant i Lotto, og så brukte eg tankane til å kjøpa opp pengene. Hadde eg forlite penger så vant eg bare ein gong til. Men det virka ikkje lenger. Det går ikkje evig å lura pus med ei tremus.

Men viss det bare er at eg ikkje bruka dagen min til nåke fornuftig som kan gjera meg trøtt nok om kvelden så er det jo egentlig ikkje synd på meg. Har både kjellar og høgaloft som skulle hatt besøk av ryddepatruljen. Men så er det sånn då, at eg har ikkje lyst til det. Og så er det sånn då, at eg har fri neste dag og....

Hadde det regna kunne eg lagt meg i sommarståvå, for regn som tromma på taket er fantastisk å sovna til. Det bråka så masse at eg høyre ikkje om det skulle dukka opp problemtankar. Men det kjeme aldri regn når ein har bruk for det.

Ein mulighet er kanskje å lesa i ei bok. Det er bare så vanskelig å treffa rett felt i brillene når eg ligge. Lenge leve problemer!!!!

Javel då. Eg får slukka lyset og prøva igjen. Det blir vel til at eg ligge litt frampå i mårå.... Det er skiskyting på TV. Så i mårå blir det vel så travelt at eg får ikkje tid til å laga middag.

Goa nåttå!!!